టీచింగ్ అంటే ప్యాషన్ ఇతనికి. ఎంతలా అంటే... ఎంత ముఖ్యమైన పని ఉన్నా కూడా ఆ రోజు క్లాస్ చెప్తాడు. ఒక్కరోజు కూడా క్లాస్ మిస్ కావొద్దని ఇప్పటివరకు ఒక్క సెలవు తీసుకోలేదు. ఈమధ్య పెండ్లి డ్రెస్ వేసుకొని ఆన్లైన్ క్లాస్లు చెప్పి సోషల్మీడియాలో వైరల్ అయ్యాడు. పేరు ప్రియె కుమార్ గౌరవ్. రాజస్తాన్లోని అల్వార్కు చెందిన ఇతను కాంపిటీటివ్ ఎగ్జామ్స్కు ప్రిపేర్ అయ్యేవాళ్లకు యూట్యూబ్లో కరెంట్ అఫైర్స్, జనరల్ నాలెడ్జ్ క్లాస్లు చెప్తాడు.‘శిక్లారథ్’ అనే అకాడమీలో ఆన్లైన్ క్లాస్లు చెప్తుంటాడు గౌరవ్. పోయిన సోమవారం అతని పెండ్లి జరిగింది. అయితే క్లాస్ మిస్ అవుతానని సెలవు తీసుకోలేదు. పెండ్లి బట్టలతో ఆన్లైన్ క్లాస్ లైవ్లో కనిపించిన గౌరవ్ని చూసి స్టూడెంట్స్ ఆశ్చర్యపోయారు. ఆన్లైన్లో గౌరవ్ ఫొటో చూసిన చాలామంది టీచింగ్ మీద అతని డెడికేషన్ని మెచ్చుకుంటున్నారు.
సెలవు ఇచ్చినా కూడా
‘‘గౌరవ్ తన పెండ్లి గురించి ఐదు నెలల ముందే చెప్పాడు. ఐదు రోజులు సెలవు కూడా ఇచ్చాం. కానీ, ఒక్కరోజు కూడా క్లాస్ మిస్ చేయొద్దు అనుకున్నాడు. అందుకనే పెండ్లి రోజు కూడా క్లాస్ చెప్పాడు” అన్నాడు ‘శిక్షారథ్’ కోచింగ్ సెంటర్ డైరెక్టర్ నిర్మల్.