కాన్పూర్: రాష్ట్రపతి రామ్ నాథ్ కోవింగ్ పాల్గొంటున్న ఓ కార్యక్రమానికి సంబంధించిన వివరాలు బహిర్గతం అవ్వడం సంచలనంగా మారింది. రెండ్రోజుల పర్యటన కోసం ఉత్తర్ ప్రదేశ్ లోని కాన్పూర్ కు వచ్చిన కోవింద్ టూర్ వివరాలు లీక్ అవ్వడం హాట్ టాపిక్ గా మారింది. ఈ కార్యక్రమానికి సంబంధించి ఏయే అధికారులు విధుల్లో ఉంటారు, పోలీసు స్టాఫ్, సిబ్బంది పేర్లు, ఎవరెవరు ఎక్కడెక్కడ ఉంటారు, వారి ఫోన్ నంబర్లతోపాటు పలు వివరాలు వాట్సాప్ గ్రూపుల్లో ప్రచారం అవుతున్నాయి. ఈ విషయం తెలియడంతో పోలీసులు అప్రమత్తమయ్యారు. ఈ లీక్ కు ఎవరు బాధ్యులు, వివరాలు ఎలా బహిర్గతం అయ్యాయనే దానిపై అడిషనల్ డిప్యూటీ పోలీసు కమిషనర్ ను దర్యాప్తుకు ఆదేశించారు కాన్పూర్ పోలీసు కమిషనర్ అసిమ్ అరుణ్. కాగా, రాష్ట్రపతి కోవింద్ గురువారం హెచ్బీటీ యూనివర్సిటీ శతవార్షికోత్సవాల్లో పాల్గొననున్నారు.
