రంగారెడ్డి కలెక్టరేట్, వెలుగు: స్థానిక సంస్థల ఎన్నికలకు అధికారులు సిద్ధమయ్యారు. రంగారెడ్డి జిల్లా కలెక్టరేట్నుంచి కలెక్టర్ సి. నారాయణ రెడ్డి ఎన్నికల నిర్వహణపై ఆర్డీవోలు, ఎంపీడీవోలు, ఎంపీవోలతో సోమవారం వీడియో కాన్ఫరెన్స్‌ నిర్వహించారు. జిల్లాలో 21 జడ్పీటీసీ స్థానాలకు, 230 ఎంపీటీసీలకు, 526 సర్పంచ్, 4,668 వార్డు సభ్యుల ఎన్నికలను రెండు విడతల్లో నిర్వహిస్తామని చెప్పారు.
తొలి విడతలో భాగంగా అక్టోబర్ 9న చేవెళ్ల, మొయినాబాద్, షాబాద్, శంకర్పల్లి, కందుకూరు, మహేశ్వరం, కడ్తాల్, ఆమన్గల్, తలకొండపల్లి, శంషాబాద్జడ్పీటీసీ స్థానాలకు, 110 ఎంపీటీసీ స్థానాలకు నోటిఫికేషన్, 11వ తేదీ వరకు ఉదయం 10.30 గంటల నుంచి సాయంత్రం 5 గంటల వరకు నామినేషన్ల స్వీకరణ ఉంటుందన్నారు. అక్టోబర్ 23న 657 పోలింగ్స్టేషన్లలో పోలింగ్ జరుగుతుందన్నారు.
రెండో విడతలో
ఫరూఖ్నగర్, కొత్తూర్, నందిగామ, కేశంపేట్, కొందుర్గ్, జిల్లెడ్చౌదర్గూడెం, ఇబ్రహీంపట్నం, అబ్దుల్లాపూర్ మెట్, మంచాల, యాచారం, మాడ్గుల జడ్పీటీసీ స్థానాలకు, 120 ఎంపీటీసీ స్థానాలకు అక్టోబర్ 13 నోటిఫికేషన్, 15 వరకు నామినేషన్ల స్వీకరణ ఉంటుందన్నారు. అక్టోబర్ 27న 691 పోలింగ్ స్టేషన్లలో పోలింగ్ ఉంటుందని చెప్పారు. ఈ రెండు విడతాల ఓట్ల లెక్కింపు నవంబర్11న ఉదయం 8 గంటలకు ప్రారంభమవుతుందన్నారు.
తొలి విడత సర్పంచ్ ఎన్నికలు ఇక్కడే
చేవెళ్ల, మొయినాబాద్, షాబాద్, శంకర్పల్లి, కందుకూరు, మహేశ్వరం, కడ్తాల్, ఆమన్గల్, తలకొండపల్లి, శంషాబాద్మండలాల్లోని 264 గ్రామ పంచాయతీల్లో సర్పంచ్, 2,300 వార్డు సభ్యులకు అక్టోబర్ 17న నోటిఫికేషన్ ఇస్తామన్నారు. అదే రోజు నుంచి 19 వరకు ఉదయం 10.30 గంటల నుంచి సాయంత్రం 5 గంటల వరకు నామినేషన్ల స్వీకరణ ఉంటుందని చెప్పారు. 31న ఉదయం 7గంటల నుంచి మధ్యాహ్నం 1 వరకు పోలింగ్, అదే రోజు మధ్యాహ్నం 2 గంటలకు కౌంటింగ్మొదలవుతుందని చెప్పారు.
రెండో విడత సర్పంచ్ ఎన్నికలు
ఫరూఖ్నగర్, కొత్తూర్, నందిగామ, కేశంపేట్, కొందుర్గ్, జిల్లెడ్చౌదర్గూడెం, ఇబ్రహీంపట్నం, అబ్దుల్లాపూర్మెట్, మంచాల, యాచారం, మాడ్గుల మండలాల్లోని 262 గ్రామపంచాయతీల్లో సర్పంచ్, 2,368 వార్డు సభ్యులకు అక్టోబర్ 21 నోటిఫికేషన్, 23 నామినేషన్ల స్వీకరణ ఉంటుందన్నారు. నవంబర్ 4 న ఉదయం 7 గంటల నుంచి మధ్యాహ్నం 1వరకు పోలింగ్ ఉంటుందని, మధ్యాహ్నం 2 గంటలకు కౌంటింగ్షురూ చేస్తామన్నారు. జిల్లా అడిషనల్కలెక్టర్ (లోకల్ బాడీస్) శ్రీనివాస్, జిల్లా రెవెన్యూ అధికారి సంగీత, నోడల్ అధికారులు, ఆర్డీవోలు, ఎంపీడీవోలు, ఎంపీవోలు సంబంధిత అధికారులు పాల్గొన్నారు.
