న్యూఢిల్లీ: అమెరికా ప్రభుత్వం టారిఫ్‌‌‌‌లను పెంచడంతో ఆ దేశానికి ఎగుమతులు గత ఐదు నెలల్లో 28.5 శాతం పడ్డాయి. ఈ ఏడాది మే–అక్టోబర్ మధ్య 6.31 బిలియన్ డాలర్ల ఎగుమతులు మాత్రమే జరిగాయి. కిందటేడాది ఇదే టైమ్‌‌‌‌లో జరిగిన 8.83 బిలియన్ డాలర్లతో పోలిస్తే తగ్గాయి.
భారత వస్తువులపై అమెరికా వేసే టారిఫ్‌‌‌‌లు ఏప్రిల్‌‌‌‌లో 10శాతంగా ప్రారంభమై, ఆగస్టులో 25శాతానికి, చివరికి 50శాతానికి పెరిగాయి. చైనాపై మాత్రం 30శాతం, జపాన్‌‌‌‌పై 15శాతం టారిఫ్ పడుతోంది. గ్లోబల్ ట్రేడ్ రీసెర్చ్ ఇనీషియేటివ్ (జీటీఆర్‌‌‌‌‌‌‌‌ఐ) ప్రకారం, అమెరికాకు జరిగే ఇండియా ఎగుమతుల్లో స్మార్ట్‌‌‌‌ఫోన్లు, ఔషధాలు, పెట్రోలియం ఉత్పత్తుల వాటా 40 శాతంగా ఉంది.
వీటిపై మినహాయింపు ఉన్నప్పటికీ ఈ ఏడాది మే– అక్టోబర్లో వీటి ఎగుమతులు ఏడాది లెక్కన 25.8 శాతం పడ్డాయి. ఐరన్, స్టీల్, అల్యూమినియం, కాపర్, ఆటో పార్ట్స్ ఎగుమతులు 23.8శాతం, కార్మిక ఆధారిత ఉత్పత్తుల (జెమ్స్, టెక్స్‌‌‌‌టైల్స్, గార్మెంట్స్, కెమికల్స్, సీఫుడ్) ఎక్స్‌‌‌‌పోర్ట్స్‌ 31.2శాతం తగ్గాయి.
ఒక్క స్మార్ట్‌‌‌‌ఫోన్ ఎగుమతులే 36శాతం తగ్గి 2.29 బిలియన్ డాలర్ల నుంచి 1.50 బిలియన్ డాలర్లకి చేరాయి. కెమికల్ ఎగుమతులు 38శాతం తగ్గాయి. ఫార్మా 1.6శాతం, పెట్రోలియం 15.5శాతం తగ్గాయి.
అమెరికాకు జరిగే నెలవారీ ఎగుమతులు జూన్‌‌‌‌లో 2 బిలియన్ డాలర్లు ఉండగా, సెప్టెంబర్‌ నాటికి 884.6 మిలియన్‌ డాలర్లకి తగ్గాయి. అక్టోబర్లో 1.5 బిలియన్ డాలర్లకు పుంజుకోవచ్చని అంచనా.
