సిద్దిపేల జిల్లాలోని గజ్వేల్ మండలం ప్రజ్ఞాపూర్ వద్ద రోడ్డు ప్రమాదం జరిగింది. ఇవాళ(సోమవారం) ఉదయం వేములవాడ నుంచి వస్తున్న ఆర్టీసీ సూపర్ లగ్జరీ బస్సు ప్రజ్ఞాపూర్ చేరుకోగానే జగదేవ్ పూర్ చౌరస్తా వద్ద క్రాస్ అవుతున్న కంటైనర్ ను ఢీ కొట్టింది. ఈ ఘటనలో బస్సులో ఉన్న దాదాపు 20 మందికి పైగా ప్రయాణికులకు తీవ్ర గాయాలయ్యాయి. సమాచారం అందుకున్న పోలీసులు ఘటనా స్థలానికి చేరుకుని పరిశీలించారు. వెంటనే గాయాలైన వారిని గజ్వేల్ లోని ప్రభుత్వ ఆసుపత్రికి తరలించారు. ఈ ఘటనపై కేసు నమోదు చేసి దర్యాప్తు చేస్తున్నామని చెప్పారు.
