- కామారెడ్డి వదిలి ఇక్కడికి వస్తున్నందుకు బాధగా ఉన్నా, మీ ఆప్యాయత ఆనందాన్ని కలిగిచింది
- మాజీ మంత్రి షబ్బీర్ అలీ
కామారెడ్డి, వెలుగు: నిజామాబాద్ కాంగ్రెస్ నేతల అభిమానానికి కృతజ్ఞుడినని ఆ పార్టీ నేత, మాజీ మంత్రి షబ్బీర్ అలీ పేర్కొన్నారు. కామారెడ్డిని వదిలి నిజామాబాద్కు వస్తున్నందుకు బాధగా ఉన్నా, మీ అభిమానం ఆనందాన్ని కలిగిస్తోందన్నారు. ఆదివారం ఆయన కామారెడ్డికి సమీపంలో ఉన్న రామయంపేట శివారులో తన ఫామ్ హౌజ్లో నిజామాబాద్అర్బన్ నియోజకవర్గ ముఖ్య నేతలతో సమావేశమయ్యారు.
నిజామాబాద్ అర్బన్ నుంచి పోటీ చేయాలని అధిష్టానం సూచించిన నేపథ్యంలో ఆయనఈ మీటింగ్ నిర్వహించారు. ఆత్మీయ సమ్మేళనంలో షబ్బీర్అలీ మాట్లాడుతూ.. బీఆర్ఎస్పదేండ్లుగా దొరల పాలన కొనసాగిస్తోందని విమర్శించారు. కాళేశ్వరం పేరుతో అధికార పార్టీ లక్ష కోట్లు దోచుకుందని మండిపడ్డారు. కాంగ్రెస్ పార్టీ ప్రకటించిన ఆరు గ్యారంటీల స్కీమ్లను ప్రజల్లోకి తీసుకెళ్లాలన్నారు.
షబ్బీర్కు సంపూర్ణ మద్దతు..
నిజామాబాద్ అర్బన్ టికెట్ కోసం 13 మంది అప్లయ్ చేసుకోగా, వారందరూ షబ్బీర్అలీకి మద్దతు తెలిపారు. పార్టీ గెలుపే లక్ష్యంగా కలిసి పనిచేస్తామన్నారు. కార్యక్రమంలో మాజీ మంత్రి సుదర్శన్రెడ్డి, డీసీసీ ప్రెసిడెంట్ మానాల మోహన్రెడ్డి, మాజీ మేయర్ ధర్మపురి అర్వింద్, మాజీ ఎమ్మెల్సీలు ఆకుల లలిత, అరికెల నర్సారెడ్డి, ముఖ్య లీడర్లు తాహెర్బిన్ హందాన్, గడుగు గంగాధర్, నగేశ్రెడ్డి తదితరులు పాల్గొన్నారు.
ALSO READ : దోచుకున్న డబ్బుతో ఓట్లు కొంటున్నరు : సీతక్క
