వాట్సాప్లో స్పామ్ కాల్స్ వస్తున్నాయా? డోంట్ వర్రీ... అవి రాకుండా ఉండాలంటే సైలెంట్లో పెట్టేస్తే సరి. ఇంట్లో పాత ఫోన్, ఫ్రిజ్, టీవీలు వంటివి ఏమైనా ఉంటే తొందరపడి పడేయకండి. ఎందుకంటే ఫ్లిప్కార్ట్లో వాటిని ఎక్స్ఛేంజ్ చేసుకోవచ్చు తెలుసా. యూట్యూబ్లో యాడ్ బ్లాకర్స్ విపరీతంగా వాడుతున్నారా? అయితే యూట్యూబ్ మిమ్మల్ని బ్లాక్ చేసే ఛాన్స్ ఉంది జాగ్రత్త.
స్పామ్ కాల్స్ని సైలెంట్లో పెట్టొచ్చు
వాట్సాప్లో అప్పుడప్పుడు తెలియని నెంబర్ల నుంచి స్పామ్ కాల్స్ వస్తుంటాయి. అయితే వాట్సాప్ ఇప్పుడు దీని కోసం కూడా కొత్త ఫీచర్ను తెచ్చేసింది. తెలియని నెంబర్ల నుంచి వచ్చే స్పామ్ కాల్స్ను సైలెన్స్ చేయవచ్చు. ఆండ్రాయిడ్, ఐవోఎస్ వాడేవాళ్లందరికీ ఈ ఫీచర్ అందుబాటులో ఉంది. వాట్సాప్ కాల్ సైలెన్స్ అయినా హిస్టరీలో కాల్స్ కనిపిస్తాయి. కానీ రింగ్ మాత్రం కావు. వాట్సాప్ ఓపెన్ చేసి ‘సెట్టింగ్స్’లోకి వెళ్లాలి. అందులో కనిపించే ‘ప్రైవసీ’ ఆప్షన్ ఎంచుకోవాలి.ప్రైవసీ’లో ‘కాల్స్’ సెలక్ట్ చేయాలి.తర్వాత ‘సైలెన్స్ అన్నోన్ కాల్స్’ (Silence Unknown Calls)ను ఎనేబుల్ చేయాలి. ఒకవేళ కొత్త నెంబర్ నుంచి వచ్చే కాల్స్ లిఫ్ట్ చేయాలనుకుంటే దాన్ని డిజేబుల్ చేస్తే సరి.