ఆంధ్రా, తెలంగాణలకు మా ఆక్సిజన్​ పంపితే బాగోదు

• ఆంధ్రాకు, తెలంగాణలకు మా ఆక్సిజన్​ పంపొద్దు
• తమిళనాడుకు కేటాయించిందే తక్కువ
• కేసులు ఎక్కువైతున్నయ్..  డిమాండ్ పెరుగుతోంది
• ప్రధానికి పళనిస్వామి లెటర్​

తమిళనాడుకు మెడికల్​ కేటాయింపులే తక్కువ.. మళ్లీ అందులోంచి ఇతర రాష్ట్రాలకు తరలించొద్దని ఆ రాష్ట్ర సీఎం పళనిస్వామి కేంద్రాన్నికోరారు. తమ రాష్ట్రంలోని ప్లాంట్ల నుంచి ఏపీ, తెలంగాణకు ఆక్సిజన్ తరలింపును వెంటనే నిలిపివేయాలని డిమాండ్ చేశారు. ఈ మేరకు ఆదివారం ఆయన ప్రధాని నరేంద్ర మోడీకి లెటర్ రాశారు. ‘‘మా రాష్ట్రంలో కేసులు పెరుగుతున్నాయి. పోయినేడాదిలో యాక్టివ్ కేసుల సంఖ్య అత్యధికంగా 58 వేల వరకు ఉండగా.. ఇప్పుడు లక్ష దాటింది. ఈ నేపథ్యంలో ఆక్సిజన్ డిమాండ్ విపరీతంగా పెరిగింది”అని పళనిస్వామి లెటర్​లో పేర్కొన్నారు. 
  
ఆక్సిజన్ తక్కువ కేటాయించిన్రు.. 

‘రాష్ట్రంలో ఆక్సిజన్ డిమాండ్ త్వరలో 450 మెట్రిక్ టన్నులకు చేరనుంది. కానీ, రాష్ట్ర వ్యాప్తం గా ఉత్పత్తి అవుతున్నది 400 మెట్రిక్ టన్నులే. మరోవైపు కేంద్రం రాష్ట్రానికి 220 మెట్రిక్ టన్ను ల ఆక్సిజన్  కేటాయించింది. కానీ రాష్ట్రంలో ఇప్పటికే ఆక్సిజన్ వినియోగం 310 మెట్రిక్ టన్నులకు చేరింది’ అని సీఎం చెప్పారు.
  
డిమాండ్​ ఎక్కువుంది..

రాష్ట్రంలో ఆక్సిజన్ డిమాండ్ ఎక్కువగా ఉండగా, ఉత్పత్తి తక్కువుంది. ఇలాంటి పరిస్థితుల్లో ఇతర రాష్ట్రాలకు కేటాయించడం కరెక్టు కాదు. ఇది చెన్నై,ఇతర జిల్లాల్లో సంక్షోభానికి దారి తీస్తుంది అని పళనిస్వామి కోరారు.