టెక్సస్: అమెరికా టెక్సస్లోని హిస్టారికల్ శాండ్మన్ సిగ్నేచర్ హోటల్లో మంగళవారం పేలుడు సంభవించింది. ఈ ఘటనలో 21 మందికి గాయాలైనట్లు అధికారులు తెలిపారు. వీరిలో ఒకరి పరిస్థితి క్రిటికల్గా ఉందన్నారు. పేలుడు ధాటికి భవనం కిటికీలు, ఫర్నీచర్ కొంత దూరందాకా ఎగిరిపడ్డాయని ప్రత్యక్ష సాక్షులు చెప్తున్నారు. గ్యాస్ లీక్ కారణంగానే పేలుడు జరిగినట్లు అధికారులు ప్రాథమిక అంచనా వేశారు. ఇదే బిల్డింగ్లోని ఓ ఫ్లోర్లో రెస్టారెంట్ నిర్మాణంలో ఉందని, 245 గదులున్న ఈ హోటల్లో పేలుడు ఎక్కడ జరిగిందనేది ఇప్పుడే చెప్పలేమని ఫైర్ డిపార్ట్ మెంట్ అధికారులు తెలిపారు.
