ఎంత డబ్బు పెట్టినా తగ్గని రోగం క్యాన్సర్. అందరూ భయపడే ఎయిడ్స్ కంటే ఎక్కువ మందిని మింగే జబ్బు ఇది. ఒకప్పుడు ఇన్నేళ్ల వయసులో వస్తుందని డాక్టర్లకు ఓ అంచనా ఉండేది. ఇప్పుడా అంచనాలు తలకిందులు చేస్తూ ముందే వస్తున్నది. జనాల్లో లైఫ్స్టైల్ ఎప్పుడైతే గాడి తప్పుతుందో… అప్పట్నించి క్యాన్సర్ రిస్క్ పెరుగుతుందని డాక్టర్లు అలర్ట్ చేస్తున్నారు. బ్రెస్ట్ అండ్ లివర్ క్యాన్సర్ అవేర్‌‌‌‌నెస్ మంత్ సందర్భంగా దాని గురించి బసవ తారకం ఇండో అమెరికన్ క్యాన్సర్ హాస్పిటల్ అండ్ రీసెర్చ్ ఇనిస్టిట్యూట్లో మెడికల్ ఆంకాలజిస్ట్గా పనిచేస్తున్న డాక్టర్ ఎం.వి.టి. కృష్ణ మోహన్ చెప్తున్న మరిన్ని వివరాలు…
క్యాన్సర్ ప్రధానంగా లైఫ్ స్టైల్ లో ఉండే లోపాల వల్ల వచ్చే రోగం. మన దేశంలో శారీరక శ్రమ చేసేవాళ్లు ఎక్కువ. ఇంట్లో వండేవి తినడం మన సంస్కృతిలో భాగం. కాబట్టి ఫాస్ట్ ఫుడ్ వాడకం చాలా తక్కువ. అయినా సరే అభివృద్ధి చెందిన దేశాలతో పోల్చితే వివిధ రకాల క్యాన్సర్లు వచ్చే సాధారణ వయసు మన దేశంలో తగ్గుతోంది. అంటే ఇంకా చిన్నా వయసులోనే వస్తోంది. మారుతున్న అలవాట్ల వల్ల రాబోయే రోజుల్లో ఎంత రిస్క్లోకి పోతున్నామో హెచ్చరించే సిగ్నల్ ఇది. పట్టించుకోకుంటే డేంజరే.
అమెరికాలో లంగ్ క్యాన్సర్ ఉండే వాళ్ల యావరేజ్ ఏజ్ 65 సంవత్సరాలు. కానీ మన దేశంలో అది 60 సంవత్సరాలుగా రికార్డు అవుతోంది. అంటే పదేళ్లు ముందే వస్తోంది. స్మోకింగ్ చిన్న వయసులోనే మొదలుపెడుతున్నారని అనుకున్నా బ్రెస్ట్ క్యాన్సర్ లోనూ ఇదే తీరు కనబడుతోంది. బ్రెస్ట్ క్యాన్సర్ రోగుల్లో యావరేజ్ ఏజ్ 50 ఏళ్లుగా ఉంది. కోలన్ క్యాన్సర్ (పెద్ద పేగు క్యాన్సర్) వెస్టర్న్ కంట్రీస్లో యావరేజ్ ఏజ్ 65 సంవత్సరాలు అయితే.. మన దేశంలో అది 55 సంవత్సరాలే!
యంగ్ ఏజ్ బ్రెస్ట్ క్యాన్సర్
దేశంలో యంగ్ ఏజ్ బ్రెస్ట్ క్యాన్సర్ కేసులు కూడా అట్లనే పెరుగుతున్నయ్‌. 35 ఏళ్లలోపులోనే బ్రెస్ట్ క్యాన్సర్ బారిన పడుతున్నరు. ఇండియాలో బ్రెస్ట్ క్యాన్సర్ పేషెంట్స్ లో 15 శాతం మంది 35 లోపు వాళ్లు ఉన్నరు. కానీ అమెరికాలో ఇది 5 శాతమే ఉంది. ఇండియాలో కోలన్ క్యాన్సర్ (పెద్ద పేగు క్యాన్సర్) కూడా యంగ్ ఏజ్లో ఎక్కువగా వస్తోంది. ఈ బాధితుల్లో మగవాళ్లే ఎక్కువ. చిన్న వయసులో ఎందుకు వస్తుందో కచ్చితంగా చెప్పలేం. కానీ లైఫ్ స్టైలే కారణమని డాక్టర్లు అంటున్నరు. మన దేశంలో ఆడవాళ్లు కూడా ఉద్యోగాలు చేయడం వల్ల వాళ్లలోనూ ఫుడ్ డిసిప్లిన్ లేకపోవడం వల్ల ఒబెసిటీ పెరుగుతున్నది. అట్లనే చదువు, ఉద్యోగం కోసం లేటుగ పెండ్లి చేసుకుంటున్నరు. అందువల్ల పిల్లల్ని లేటుగా కంటున్నరు. ఒబెసిటీ, లేటు వయసులో పిల్లల్ని కనడం వల్ల బ్రెస్ట్ క్యాన్సర్ కేసులు పెరుగుతున్నయ్‌.
మహిళల్లో..
సిటీల్లో ఉండే ఆడవాళ్లలో రొమ్ము ( బ్రెస్ట్) క్యాన్సర్ సమస్య ఎక్కువగా ఉంది. రూరల్ ఏరియాల్లో కూడా రొమ్ము క్యాన్సర్ ఇప్పుడు పెరుగుతోంది. రొమ్ముక్యాన్సర్ కంటే సర్వైకల్ క్యాన్సర్ పల్లెల్లో ఎక్కువగా ఉంది. సిటీల్లో పరిశుభ్రత (హైజీన్) పాటించడం వల్ల పల్లెటూళ్లతో పోల్చితే సర్వైకల్ క్యాన్సర్ తక్కువగా ఉంది.
మగవాళ్లలో..
లంగ్ క్యాన్సర్ మగవాళ్లలో ఎక్కువగా వస్తోంది. ఒకప్పుడు ఇది అర్బన్లో ఎక్కువగా ఉంటే ఇప్పుడు రూరల్ ఏరియాల్లో కూడా పెరుగుతోంది. పల్లెల్లో ఉండేవాళ్లలో పొగాకు, గుట్కాలు నమిలేవాళ్లు (స్మోక్ లెస్ టొబాకో వాడకం) ఎక్కువగా ఉన్నారు. అందువల్ల నోరు, గొంతు, నాలుక మీద (హెడ్ అండ్ నెక్ క్యాన్సర్స్) క్యాన్సర్ ఎక్కువగా వస్తోంది.
ముందుచూపు లేకుంటే..
మొదటి స్టేజ్లో క్యాన్సర్ని గుర్తిస్తే ఆపరేషన్ చేస్తాం. రెండు వారాల్లో తగ్గిపోతుంది. కానీ, అయిదేళ్ల పాటు డాక్టర్స్తో చెకప్ చేయించుకుంటూ మెడిసిన్స్ వాడాలె. రెండూ, మూడో స్టేజీలో గుర్తిస్తే సర్జరీ చేసి రేడియోథెరపీ, కీమో థెరపీ చేస్తరు. ఈ ట్రీట్మెంట్ కి ఆరు నుంచి ఎనిమిది నెలలు పడుతుంది. ట్రీట్ మెంట్ తర్వాత ఐదు సంవత్సరాల పాటు డాక్టర్ని తరచుగా కలుస్తూ మెడిసిన్స్ వాడాలి. నాలుగో స్టేజ్లో క్యూర్ కావడం కష్టం. ఉన్నంత కాలం ట్రీట్మెంట్ చేయించుకోవాల్సిందే. క్యాన్సర్ వచ్చిన తర్వాత నెలల తరబడి ట్రీట్మెంట్, ఏళ్ల తరబడి మెడిసిన్స్ వాడుతూ జాగ్రత్తలు పాటించే బదులు రోగం రాకముందే హెల్దీ లైఫ్ స్టైల్ కోసం రోజూ కొన్ని నియమాలు పాటిస్తే ఏ సమస్యా ఉండదు. క్యాన్సర్ ముదరక ముందే ట్రీట్మెంట్ తీసుకుంటే ఈజీగా బయటపడొచ్చు. కానీ మన దేశంలో స్ర్కీనింగ్ లో బయటపడేవి ఐదు శాతం కేసులే. ఆ తర్వాత బయటపడడం వల్లే రిస్క్ పెరుగుతోంది.
తప్పు చేయొద్దు
లైంగి క సంబంధాలతో హెచ్ఐవి ఒక్కటే కాదు క్యాన్సర్ కూడా రావచ్చు. హెపటైటిస్–బి, హెపటైటిస్ –సి వైరస్ లైంగి క సంబంధం ఉన్నవాళ్లలో ఒకరికి సోకి ఉంటే మరొకరికి కూడా సోకుతుంది. ఈ వైరల్ ఇన్ఫెక్షన్ వల్ల 10 నుంచి 20 సంవత్సరాల తర్వాత లివర్ క్యాన్సర్ రావొచ్చు. హెపటైటిస్ –బి వైరస్సోకిన వాళ్లలో ఈ ప్రమాదం ఎక్కు వగా ఉంది. ఈ వైరస్ సోకిన వాళ్లను రెగ్యులర్ గా చెకప్ చేస్తూ , ట్రీట్ మెంట్ చేస్తేక్యాన్సర్ రాదు.- డాక్టర్ ఎం.వి.టి.కృష్ణ మోహన్ ,బసవతారకం క్యాన్సర్ హాస్పి టల్
లైఫ్ స్టైల్ ని మార్చుకుంటే క్యాన్సర్ రిస్క్ నుంచి 90 శాతం సేఫ్‌.
ఈ ఐదు సూత్రాలు పాటిస్తే క్యాన్సర్ సమస్యే రాదు
- ఫ్యామిలీ హిస్టరీలో కోలన్, బ్రెస్ట్, ఓవరీ, యుటిరస్ క్యాన్సర్ ఉంటే జెనెటిక్ టెస్ట్ చేయించుకోవాలె. అమ్మా, నాన్న, మేనత్త, మేనమామ, చిన్నాన్న, పెద్దనాన్న, పిన్ని, పెద్దమ్మ… వీళ్లలో ఒకరికి ఉండి, వాళ్ల పిల్లలకు కూడా ఉంటే జాగ్రత్తపడాలె. ఈ విషయంలో వాళ్లకు క్యాన్సర్ ఏ వయసులో వచ్చిందో కూడా చూడాలె. క్యాన్సర్ రాకుండా అవసరాన్ని బట్టి డాక్టర్లు పెద్ద పేగు, రొమ్ము తొలగించి క్యాన్సర్ ముప్పు నుంచి కాపాడతారు
- స్మోకింగ్ చేయకూడదు, ఆల్కహాల్ తాగకూడదు. పొగాకు, పాన్, గుట్కా నమలడం మానేయాలె.
- రెడ్ మీట్ తినకూడదు. యానిమల్ ఫ్యాట్ ఎక్కువగా ఉండే ఫుడ్ తినడం తగ్గించాలి. ప్లాంట్ ఫ్యాట్తో క్యాన్సర్ ప్రాబ్లమ్ రాదు. సీజన్లో పండే ప్రూట్స్ తినాలె. రోజులో కనీసం ఒక్కసారైనా ఫ్రూట్స్, వెజిటబుల్స్ తినాలె.
- రోజూ కచ్చితంగా 30 నిమిషాలు ఎక్సర్సైజ్ చేయాలె. ఇట్ల వారంలో ఐదు రోజులు చేయాలె. యోగా, ఏరోబిక్స్, జిమ్ వర్కవుట్స్ రన్నింగ్, బ్రిస్క్ వాకింగ్, సైక్లింగ్, స్విమ్మింగ్ చేయాలె. లేకుంటే ఆటలు ఆడాలె.
- వయసు, ఎత్తుకు తగ్గ బరువు ఉంటేనే ఆరోగ్యంగా ఉన్నట్టు. క్యాన్సర్ రాకుండా ఉండాలంటే తప్పకుండా బాడీ వెయిట్ని మెయింటెయిన్ చేయాలె. మన దేశంలో 40 శాతం మంది తగినంత బరువు లేరు. ఉండాల్సిన బరువు కంటే ఎక్కువ లేదా తక్కువ ఉండేటోళ్లు జాగ్రత్త పడాలె. హెల్దీ వెయిట్ మెయింటెయిన్ చేయాలె.
