- ఖర్చులకు కత్తెర ఇలా..
- డబ్బు నిజంగా ఎక్కడికి పోతోందో తెలుసుకోవాలి..
- చిన్న మొత్తం ఆదా చేయడం కూడా ముఖ్యమే
వెలుగు, బిజినెస్:కొంతమందికి భారీగా జీతం వస్తుంది కానీ పది రోజుల తరువాత జేబులో పైసా ఉండదు. ఖర్చులపై కంట్రోల్ లేకపోవడంతో చిల్లి గవ్వ మిగలదు. వీటిని తగ్గించుకునేందుకు మొదటి అడుగు ఏమిటంటే..ప్రతి నెలా మన డబ్బు నిజంగా ఎక్కడికి వెళ్తున్నదో తెలుసుకోవడం! ఈ విషయాన్ని గుర్తించడానికి అద్దె, ఈఎంఐలు, కిరాణా సామగ్రి, సబ్‌‌‌‌‌‌‌‌‌‌‌‌‌‌‌‌స్క్రిప్షన్‌‌‌‌‌‌‌‌‌‌‌‌‌‌‌‌లు, బిల్స్ వంటి ఖర్చులను నోట్ చేసుకోండి. తరచుగా చేసే చిన్న ఖర్చులను తగ్గిస్తే ఆదా అయ్యే మొత్తాన్ని చూస్తే మీరే ఆశ్చర్యపోతారు. అనవసర ఖర్చులను సరిగ్గా గుర్తించగలిగితే, వాటిని కొద్దికొద్దిగా తగ్గించడం మొదలుపెట్టొచ్చు.
భోజనం, కిరాణా షాపింగ్
ప్రతిరోజూ టిఫిన్, లంచ్, డిన్నర్ బయట చేస్తే చాలా ఖర్చవుతుంది. ఇలా కాకుండా వారానికి సరిపడా మెనూను ముందుగానే తయారు చేయాలి. అందుకు అవసరమైన కిరాణా సామగ్రిని ఒకేసారి కొంటే, అనవసర ఖర్చులు తగ్గుతాయి. కిరాణా సరుకులు కొనడానికి వెళ్లే ముందు ఒక లిస్ట్ తయారు చేసుకోండి. పాడైపోని వాటిని ఎక్కువ మొత్తంలో కొనాలి. వీలైతే డిస్కౌంట్ కార్డులు లేదా లాయల్టీ పాయింట్లను వాడాలి. ఫుడ్ పార్సిళ్లను వీలైనంత వరకు మానేయడం బెటర్. ఇంట్లో వండుకుంటే డబ్బూ ఆదా అవుతుంది. ఆరోగ్యకరమైన తిండీ తినొచ్చు.
బేరమాడాల్సిందే బాస్
మీ మొబైల్ ప్లాన్, ఇంటర్నెట్, లేదా బీమా ప్రీమియం ఏదైనా కావొచ్చు.. డిస్కౌంట్లు పొందడానికి లేదా బేరమాడటానికి ఎల్లప్పుడూ అవకాశం ఉంటుంది. కొత్త ఆఫర్లు లేదా లాయల్టీ డిస్కౌంట్ల కోసం ప్రొవైడర్లను, కంపెనీలను అడగండి. ఆన్లైన్లో ధరలను పోల్చి చూస్తే తక్కువ ప్లాన్ఎక్కడ ఉందో తెలిసిపోతుంది. ప్రతి నెలా చిన్న మొత్తంలో ఆదా చేయడం ముఖ్యం. ఉదాహరణకు, ఇక్కడ రూ.300, అక్కడ రూ.500 – కూడా పోనుపోను చాలా తేడాను చూపుతుంది.
24 గంటల రూల్ పాటించండి
ముందుగా ప్లాన్ చేయని షాపింగ్తో జేబుకు చాలా నష్టం. అవసరం లేని వాటిని కొనుగోలు చేయడానికి ముందు 24 గంటలు ఆగండి. మీకు అది నిజంగా అవసరమా కాదా ? అనే దానిపై అప్పుడు నిర్ణయం తీసుకోగలుగుతారు. అవసరాలు, కోరికలు మధ్య తేడాను గుర్తించడానికి ఈ రూల్ సహాయపడుతుంది. అనవసరమైన వాటిపై ఖర్చు చేసేలా ఊరించే అన్ని ఈ–మెయిల్స్ను అన్సబ్స్క్రయిబ్ చేయడానికి ప్రయత్నించండి.
ఆటో డెబిట్ బెస్ట్
ఆర్థిక క్రమశిక్షణకు పొదుపునకు ఆటోమేషన్కీలకం. జీతం పడ్డ రోజునే మీ జీతం ఖాతా నుంచి సేవింగ్స్ లేదా ఇన్వెస్ట్‌‌‌‌‌‌‌‌‌‌‌‌‌‌‌‌మెంట్ ఖాతాకు ఆటోమేటిక్ ట్రాన్స్‌‌‌‌‌‌‌‌‌‌‌‌‌‌‌‌ఫర్లను సెటప్ చేయండి. ఈ విధంగా ఆదా చేసిన తర్వాత మీరు ఎంత ఖర్చు చేస్తారో మీకు తెలుస్తుంది. చిన్న మొత్తంలో అయినా, క్రమం తప్పకుండా పక్కన పెడితే, కాలక్రమేణా అది అద్భుతంగా పెరుగుతుంది. మీ ఆదాయం, ఖర్చులు మారితే బడ్జెట్ను కూడా అందుకు తగ్గట్టు మార్చుకోవాలి.
సబ్‌‌‌‌‌‌‌‌‌‌‌‌‌‌‌‌స్క్రిప్షన్‌‌‌‌‌‌‌‌‌‌‌‌‌‌‌‌లు, మెంబర్‌‌‌‌‌‌‌‌‌‌‌‌‌‌‌‌షిప్‌‌‌‌‌‌‌‌‌‌‌‌‌‌‌‌లను మరోసారి చెక్చేయండి..
తాను ఒక ఓటీటీ కోసం నెలకు రూ.500 చెల్లిస్తున్నా 30 రోజుల్లో కనీసం ఒక్క సినిమా కూడా చూడటం లేదని హైదరాబాద్కు చెందిన కృష్ణారెడ్డి చెప్పారు. చాలా మందిది ఇదే పరిస్థితి. ఓటీటీలు కావచ్చు లేదా జిమ్ మెంబర్‌‌‌‌‌‌‌‌‌‌‌‌‌‌‌‌షిప్‌‌‌‌‌‌‌‌‌‌‌‌‌‌‌‌లు కావచ్చు. మనం అరుదుగా వాడే సర్వీసులకు కూడా ఎంతో చెల్లిస్తుంటాం.
మీ అన్ని సబ్‌‌‌‌‌‌‌‌‌‌‌‌‌‌‌‌స్క్రిప్షన్‌‌‌‌‌‌‌‌‌‌‌‌‌‌‌‌లను మరోసారి చెక్చేయండి. నెలల తరబడి ఉపయోగించని వాటిని తొలగించండి. వీలైన చోట షేర్డ్ ఫ్యామిలీ లేదా వార్షిక ప్లాన్లకు మారండి. ఫలితంగా ప్రతి నెలా ఆదా అయ్యే కొన్ని వందల రూపాయలు ఒకే ఏడాదిలో రూ. వేలు అవుతాయి.
