అమెరికా మాజీ అధ్యక్షుడు డొనాల్డ్‌ ట్రంప్ కుమార్తె టిఫానీ ట్రంప్ తన బాయ్‌ఫ్రెండ్‌ ను మైఖెల్‌ బౌలస్‌ను పెళ్లాడింది. నాలుగేళ్ల ప్రేమాయాణం అనంతరం ఆమె తన బాయ్‌ఫ్రెండ్‌ను పెళ్లాడింది. ట్రంప్‌కు చెందిన మార్‌ ఎ లాగో రిసార్ట్‌లో ఈ వివాహం అంగరంగ వైభవంగా జరిగింది. అమెరికా టైమ్ ప్రకారం శనివారం సాయంత్రం 4.30 గంటలకు వివాహం జరిగింది. ట్రంప్ దగ్గరుండి ఈ పెళ్లిని జరిపించారు. వధువు టిఫానీని వెంటబెట్టుకుని వివాహ మండపానికి తీసుకువచ్చారు.
ఈ వివాహనికి ట్రంప్ ఫ్యామిలీ మొత్తం హాజరయ్యారు. ట్రంప్ రెండో భార్య, నటి మార్ల మాపుల్స్‌ ఏకైక కూతురే టిఫానీ. 1993లో మర్లను ట్రంప్ వివాహమాడగా 1999 వరకు వీరు భార్యభర్తలుగా కొనసాగారు. అనంతరం విడాకులు తీసుకున్నారు. అనంతరం మెలానియాను ట్రంప్ వివాహమాడారు.
