హమాస్ టెర్రరిస్టులు చిన్నారుల తలలను నరుకుతున్న ఫొటోలు తాను చూస్తానని ఎప్పుడూ అనుకోలేదని అమెరికా అధ్యక్షుడు జో బైడెన్ అన్నారు. ఇజ్రాయెల్ దాడులపై ఆయన స్పందించారు. ‘‘హమాస్ కేవలం టెర్రరిజాన్ని కాదు.. ఈ ప్రపంచానికి ముప్పు తీసుకొచ్చింది. ఐసిస్ దారుణాల కంటే కూడా హమాస్ చర్యలు భయంకరంగా ఉన్నాయి. ఎంతో మంది ఇజ్రాయెల్ నేతలు, ప్రపంచ లీడర్లతో మాట్లాడుతున్నాను.
ఇజ్రాయెల్కు అమెరికా అండగా ఉంటది. అక్కడి పరిస్థితిని ఎప్పటికప్పుడు తెలుసుకుంటున్నాం. హమాస్ వద్ద బందీలుగా ఉన్న అమెరికన్ల గురించి ఆలోచిస్తున్నాం” అని బైడెన్ అన్నారు. హమాస్ మిలిటెంట్లకు ఫండ్స్, ట్రెయినింగ్ ఇస్తూ ఇరాన్ వెనకుండి నడిపిస్తోందని ఆయన ఆరోపించారు.
