మంచిర్యాల, వెలుగు: కాన్ఫెడరేషన్ ఆఫ్ రియల్ ఎస్టేట్ అండ్ డెవలపర్స్ అసోసియేషన్ ఆఫ్ ఇండియా(క్రెడాయ్) నేషనల్ కౌన్సిల్ మెంబర్గా మంచిర్యాల జిల్లా కేంద్రానికి చెందిన వి.మధుసూదన్ రెడ్డి ఎన్నికయ్యారు. ఆయన ఇంతకుముందు రెండు సార్లు క్రెడాయ్ స్టేట్ వైస్ ప్రెసిడెంట్ గా ఏకగ్రీవంగా ఎన్నికయ్యారు. అంతకుముందు 2017లో మంచిర్యాల చాప్టర్ ప్రారంభించడంలో కీలకపాత్ర పోషించి 18 నెలలపాటు చైర్మన్గా బాధ్యతలు నిర్వహించారు.
తాజాగా క్రెడాయ్ నేషనల్ సెక్రటరీ గుమ్మి రామిరెడ్డి ఆహ్వానం మేరకు మినిస్ట్రీ ఆఫ్ మైక్రో స్మాల్ అండ్ మీడియం ఎంటర్ప్రైజెస్ వింగ్లో నేషనల్ చైర్మన్ జగదీశ్ బాబు సారథ్యంలో సభ్యుడిగా ఎన్నికయ్యారు. డిసెంబర్ 12, 13 తేదీల్లో హైదరాబాద్ లో జరగనున్న క్రెడాయ్ నేషనల్ స్టడీ టూర్ ను ఆయన పర్యవేక్షించనున్నట్లు తెలిపారు.
