బ్రెడ్ అనగానే బ్రెడ్–జామ్... బ్రెడ్ ఆమ్లెట్‌ తప్పితే పెద్దగా ఏ వెరైటీ గురించీ ఆలోచించరు. కాని బ్రెడ్ తో చాలా వెరైటీలు తయారు చేసుకోవచ్చు. క్విక్ గా అంటే పదే పది నిమిషాల్లో టేస్టీగా.. వెరైటీగా . కోవా బ్రెడ్ రోల్ మరియు బ్రెడ్ ఆలూ శాండ్ విచ్ ఇంట్లోనే తయారు చేసుకోవచ్చు. వీటిని తింటే . సూపర్ అనక మానరు. వీటి తయారీకి ఏఏ పదార్దాలు కావాలి.. ఎలా తయారు చేసుకోవాలో ఈ స్టోరీలో తెలుసుకుందాం. . . .!
కోవా బ్రెడ్ రోల్ తయారీకి కావలసినవి
- చక్కెర– 2 కప్పులు
- నీళ్లు- 2 కప్పులు
- కోవా-1 కప్పు
- ఫుడ్ కలర్ (కావాలనుకుంటేనే)- పావు టీస్పూన్
- బాదం పప్పు తరుగు - 1 టేబుల్ స్పూన్
- జీడిపప్పు తరుగు - 1 టేబుల్ స్పూన్
- పిస్తా పప్పు ముక్కలు - అర టీ స్పూన్
- ఇలాచీ పొడి - పావు టీ స్పూన్
- చక్కెర పొడి- ముప్పావు కప్పు
- పాలు - 2 కప్పులు
- బ్రెడ్ ముక్కలు - 5
- ఎండు కొబ్బరి తురుము - అరకప్పు
తయారీ విధానం : ముందుగా స్టవ్ పై గిన్నె పెట్టి నీళ్లు పోయాలి.. ఇందులో చక్కెర వేసి లేత పాకం వచ్చే వరకు కలుపుతూ ఉండాలి. ఇప్పుడు చక్కెర పాకాన్ని పక్కన పెట్టాలి. మళ్లీ స్టవ్ పై మరో గిన్నె పెట్టి, దాంట్లో కోవా వేయాలి. అది మె త్తగయ్యాక చక్కెరపొడి, ఫుడ్ కలర్, బాదం పప్పు తరుగు, జీడిపప్పు తరుగు, పిస్తా తరుగు, ఇలాచీ పొడి వేసి బాగా కలపాలి. ఆ మిశ్రమాన్ని కొద్దికొద్దిగా చేతుల్లోకి తీసుకుని రోల్స్ చేసి పక్కిన ప్లేట్ లో పెట్టాలి. బ్రెడ్ ముక్కల చుట్టూ ఉన్న బ్రౌన్ భాగాన్ని కట్ చేయాలి. తర్వాత ఆ బ్రెడ్ ముక్కలను పాలలో ముంచి, వాటి మధ్యలో ముందుగా తయారుచేసుకున్న కోవా రోల్స్ ను పెట్టి... మళ్లీ రోల్ చేయాలి. వాటిని నెయ్యిలో డీప్ ఫ్రై చేసి, చివరిగా ఎండుకొబ్బరి తురుములో దొర్లించాలి. కావాలంటే ముక్కలుగా కట్ చేసుకొని నోట్లో వేసుకోవచ్చు.. టేస్ట్ భలేగా ఉంటుంది కదా..!
బ్రెడ్ ఆలూ శాండ్ విచ్ తయారీకి కావలసినవి
- బ్రెడ్ ముక్కలు - 6
- ఉడికించి చిదిమిన ఆలుగడ్డ - ఒకటిన్నర కప్పు
- జీలకర్ర - అర టీస్పూన్
- ఆవాలు - పావు టీస్పూన్
- పచ్చి మిర్చి తరుగు–2 టీస్పూన్లు
- పసుపు - చిటికెడు
- కొత్తిమీర తరుగు - అర కప్పు
- బటర్ టేబుల్ స్పూన్
- ఉప్పు - తగినంత
- ఉల్లిగడ్డ తరుగు - పావు కప్పు
- క్యాప్సికమ్ తరుగు - పావు కప్పు
- టొమాటో తరుగు- పావు కప్పు
- చాట్ మసాలా- అర టీ స్పూన్
- పుదీనా లేదా కొత్తిమీర చట్నీ - పావు కప్పు
- నూనె - సరిపడా
తయారీ విధానం: ముందుగా స్టవ్ పై గిన్నెపెట్టి నూనె పోయాలి. అది వేడెక్కాక జీలకర్ర, ఆవాలు వేయాలి. తర్వాత పచ్చిమిర్చి తరుగు, పసుపు వేయాలి. ఆపైన ఆలుగడ్డ మిశ్రమం... ఉప్పు కూడా వేసి కలపాలి. కాసేపయ్యాక కొత్తిమీర తరుగు కూడా వేసి దింపేయాలి. ఒక బ్రెడ్ముక్కకు పుదీనా లేదా కొత్తిమీర చట్నీ రాయాలి. దానిపై అలుగడ్డ మిశ్రమం పెట్టి, చాట్ మసాలా చల్లాలి. తర్వాత ఉల్లిగడ్డ తరుగు, క్యాప్సికమ్ తరుగు, టొమాటో తరుగు వేసి మరో బ్రెడ్ ముక్కను దానిపైన పెట్టాలి. ఇలా అన్నీ బ్రెడ్ ముక్కలకూ చట్నీ రాసి, మధ్యలో స్టఫ్ పెట్టాలి. ఇప్పుడు వాటన్నింటినీ త్రిభుజాకారం వచ్చేలా రెండు ముక్కలుగా కట్ చేయాలి. తర్వాత వాటిని పెనంపై నూనె చల్లుకుంటూ రెండు వైపులా కాల్చాలి. కావాలంటే వాటిపై సేవ్ చల్లి ఇంటే టేస్టీగా ఉంటుంది.
వెలుగు,లైఫ్
