ఓటరు స్లిప్పులు సకాలంలో ఇవ్వాలి : కలెక్టర్ ఆదర్శ్ సురభి

ఓటరు స్లిప్పులు సకాలంలో ఇవ్వాలి :  కలెక్టర్ ఆదర్శ్ సురభి

వనపర్తి, వెలుగు: ఓటర్లకు సకాలంలో ఓటర్ స్లిప్పులు అందించేలా చర్యలు తీసుకోవాలని, ఓటర్ల జాబితా సిద్ధం చేసి ప్రిసైడింగ్ అధికారికి ముందుగానే అందించాలని వనపర్తి కలెక్టర్​ ఆదర్శ్​సురభి అధికారులకు ఆదేశించారు. శనివారం కలెక్టరేట్ కాన్ఫరెన్స్ హాల్ నుంచి జిల్లాలోని తహసీల్దార్లు, ఎంపీడీవోలతో గ్రామపంచాయతీ ఎన్నికల నిర్వహణపై వీడియో కాన్ఫరెన్స్ ద్వారా దిశా నిర్దేశం చేశారు. మొదటి విడత పోలింగ్ జరిగే మండలాల్లో నామినేషన్ల స్క్రూట్నీకి ఏర్పాట్లు సిద్ధం చేసుకోవాలని, పోలింగ్ సిబ్బందికి పోస్టల్ బ్యాలెట్ ఇచ్చేందుకు ఏర్పాట్లు చేసుకోవాన్నారు. 

పోలింగ్ ముందురోజు డిస్ట్రిబ్యూషన్, రిసెప్షన్ ఏర్పాట్లు పకడ్బందీగా చేసుకోవాలని, ఎన్నికల నిర్వహణ ఏర్పాట్లలో ఎలాంటి నిర్లక్ష్యం చూపవద్దని ఆదేశించారు. పోలింగ్ ముందురోజు బ్యాలెట్ బాక్సులు, మెటీరియల్ పోలింగ్ స్టేషన్లకు పంపించే విధంగా మండల కేంద్రాల్లో డిస్ట్రిబ్యూషన్, రిసెప్షన్ కేంద్రాలు మండల స్థాయిలో ఏర్పాటు చేసుకోవాలని చెప్పారు. 

నామినేషన్ ఉపసంహరణ చేసుకునే అభ్యర్థుల నుంచి అనెక్సర్ - 1 లో సంతకం తీసుకోవాలని, ఒకవేళ ఒక్కరే అభ్యర్థి పోటీలో మిగిలితే అభ్యర్థి నుంచి అనెక్సర్ - 2 తీసుకోవాలని సూచించారు. వీసీలో ఏడీసీ యాదయ్య, ఆర్డీవో సుబ్రహ్మణ్యం, డీపీవో తరుణ్ చక్రవర్తి, డీఎల్ పీవో రఘుపతి రెడ్డి, జడ్పీ డిప్యూటీ సీఈవో రామ మహేశ్వర్ రెడ్డి, ఎలక్షన్ సూపరిండెంట్ మదన్ మోహన్ తదితరులు  పాల్గొన్నారు.