ప్రాణంగా ప్రేమించింది.. అతను ప్రేమించాడు.. ఇద్దరు పెళ్లి చేసుకోవాలనుకున్నారు. కుటుంబ సభ్యులకు నచ్చలేదు.. మా బి డ్డనే ప్రేమిస్తాడా అంటూ యువకుడిపై కక్ష పెంచుకున్నారు యువతి తల్లిదండ్రులు, సోదరులు.. పక్కా ప్లాన్ తో అతడిని కడతేర్చారు. అక్కడితో అంతా అయిపోయిందనుకున్నారు. కానీ ప్రియుడు చనిపోవడంతో తల్లడిల్లిన ఆ యువతి తీసుకున్న నిర్ణయంతో అందరికీ షాక్ అయ్యారు.
ప్రేమించిన వ్యక్తిని తల్లిదండ్రులు, సోదరులు చంపేశారు.. అతనితోనే జీవితం ఆమెకు ఆశలు కలలుగానే మిగిలిపోయాయి. ప్రాణంగా ప్రేమించిన వ్యక్తి చనిపోతే ఆ యువతి తట్టుకోలేకపోయింది..ఇప్పటివరకు ఎవ్వరూ తీసుకోని నిర్ణయం తీసుకోంది.. ఓ యువతి ప్రియుడి డెడ్ బాడీని పెళ్లి చేసుకున్న ఘటన మహారాష్ట్రలోని నాందేడ్ లో జరిగింది.
నాందేడ్ కు చెందిన 25యేళ్ల సాక్షమ్ టేట్, హిమేష్ మమిదార్ స్నేహితులు..హిమేష్ సోదరి అంచల్ , సాక్షమ్ గత కొంత కాలంగా ప్రేమించుకుంటున్నారు. ఒకరిని విడిచి ఒకరు ఉండలేని స్థాయికి వెళ్లిపోయారు.పెళ్లి చేసుకోవాలనుకున్నారు. అయితే ఈ విషయం అంచల్ పేరెంట్స్, సోదరులకు తెలియడంతో సీన్ రివర్స్ అయింది.
కులం వేరు కావడంతో పెళ్లికి నిరాకరించిన అంచల్ కుటుంబ సభ్యులు ఆమె ప్రియుడు సాక్షమ్ పై కక్ష పెంచుకున్నారు. ఎలాగైన చంపాలని ప్లాన్ వేశారు. అనుకన్న పథకం ప్రకారం సాక్షమ్ ను హత్య చేశారు. జునా గంజ్ ప్రాంతంలో ఆంచల్ తండ్రి గణేష్ మామిద్వార్, సోదరులు హిమేష్ ,సాహిల్ ,మరో ఇద్దరు సాక్షమ్ ను కాల్చి చంపారు.
యువతి చేసిన పని చూసి అంతా షాక్..
ప్రియుడు సాక్షమ్ హత్యకు గురయ్యాడని తెలుసుకున్న అంచల్ గుండెలవిసేలా ఏడ్చింది. ప్రియుడి అంత్యక్రియలకు హాజరైన అంచల్ ఎవరూ ఊహించని పని చేసింది. సాక్షమ్ మృతదేహాన్ని చూసి కన్నీళ్లు పెట్టుకున్న అంచల్.. అక్కడితో ఆగలేదు. అతని మృతదేహానికి అక్కడి సాంప్రదాయం ప్రకారం.. కుంకుమ పెట్టి శవాన్ని వివాహం చేసుకుంది. దీంతో అక్కడున్న వారంతా కన్నీరు పెట్టుకున్నారు.
