గోదావరిఖని, వెలుగు: యువత మత్తు పదార్థాలకు, చెడు అలవాట్లకు దూరంగా ఉండాలని రామగుండం సీపీ ఎం.శ్రీనివాస్ సూచించారు. యాంటీ నార్కోటిక్స్‌ బ్యూరో ఆధ్వర్యంలో గంజాయి, కల్తీ కల్లు వినియోగం వల్ల కలిగే అనర్థాలపై రూపొందించిన వాల్‌ పోస్టర్‌‌‌‌ను సీపీ శుక్రవారం ఆవిష్కరించారు. ఈ సందర్భంగా ఆయన మాట్లాడుతూ యువత గంజాయికి బానిసలుగా మారి తమ భవిష్యత్‌‌‌‌ను నాశనం చేసుకుంటున్నారన్నారు. దీంతోపాటు గోదావరిఖని వన్టౌన్ పీఎస్‌‌‌‌లో డీజే ఆపరేటర్లు, ఓనర్లకు ఏసీపీ ఎం.రమేశ్ కౌన్సెలింగ్ చేశారు. ఇన్‌‌‌‌స్పెక్టర్లు ఇంద్రసేనారెడ్డి, బి.రవీందర్, అజయ్, వెంకట్పాల్గొన్నారు. ఆయా కార్యక్రమాల్లో అడిషనల్ డీసీపీ(అడ్మిన్) సి.రాజు, స్పెషల్ బ్రాంచ్ ఏసీపీ రాఘవేంద్రరావు, సీసీఆర్బీ ఇన్‌‌‌‌స్పెక్టర్‌ బుద్దే స్వామి, తదితరులు పాల్గొన్నారు.
