వీడియో స్ట్రీమింగ్ ప్లాట్ఫాం యూట్యూబ్ మరో కొత్త అప్డేట్తో యూజర్స్ ముందుకొస్తోంది. అదే ‘షో ట్రాన్స్స్క్రిప్ట్’ బటన్. ఈ ఫీచర్ అందుబాటులోకి వస్తే .. యూట్యూబ్లో వీడియోలు చూసేటప్పుడు వీడియో కింద ట్రాన్స్క్రిప్షన్ బటన్ కనిపిస్తుంది. ఆ బటన్ క్లిక్ చేయగానే యూట్యూబ్ వీడియోలో ప్లే అవుతున్న కంటెంట్ అంతా చదవడానికి వీలుగా టెక్స్ట్ రూపంలో కనిపిస్తుంది. సినిమాలు, స్పీచ్, ఇంటర్వ్యూ, పాటలు.. ఇలా కంటెంట్ ఏదైనా సరే ట్రాన్స్క్రిప్షన్ ద్వారా చదివి తేలిగ్గా అర్థం చేసుకోవచ్చన్నమాట. అయితే ఇంతకుముందు కూడా ట్రాన్స్క్రిప్షన్ చదివే వెసులుబాటు ఉంది.. కాకపోతే.... కంటెంట్ని స్క్రోల్ చేయాల్సి ఉండేది. కానీ, త్వరలో రానున్న షో యూట్యూబ్లో ట్రాన్స్స్క్రిప్ట్ బటన్ నొక్కితే స్క్రోలింగ్తో పనిలే కుండానే కంటెంట్ అంతా క్లియర్గా కనిపిస్తుంది.
ఇన్స్టాగ్రామ్లో కొత్త ఫీచర్
మొన్నీమధ్య నచ్చని కామెంట్లని ఇతరులు చూడకుండా రిస్ట్రిక్ట్ చేసింది ఇన్స్టాగ్రామ్. ఇప్పుడు లైవ్లో నెగెటివ్, వల్గర్ కామెంట్స్ని కంట్రోల్ చేయడానికి మరో కొత్త ఫీచర్ని తీసుకొచ్చింది . ఈ ఫీచర్ ద్వారా కంటెంట్ క్రియేటర్స్ లైవ్లోకి వెళ్లినప్పుడు మోడరేటర్స్ని ఎసైన్ చేసుకోవచ్చు. వాళ్లు లైవ్లో వచ్చే నెగెటివ్ కామెంట్స్పై రిపోర్ట్ చేయొచ్చు. లైవ్లో పర్టిక్యులర్ యూజర్స్ కామెంట్స్ని స్విఛాఫ్ చేయొచ్చు కూడా. ఈ ఫీచర్ని ఎనబుల్ చేసుకోవడానికి కంటెంట్ క్రియేటర్స్ లైవ్లోకి వెళ్లేటప్పుడు కామెంట్ బార్లోని మెను ఐకాన్ని క్లిక్ చేయాలి.. అందులో మోడరేటర్ కోసం సెర్చ్ చేయొచ్చు లేదా ఇన్స్టాగ్రామ్ సజెషన్స్లోంచి కూడా మోడరేటర్ని సెలక్ట్ చేసుకోవచ్చు. అన్నట్టు ఈ కొత్త ఫీచర్ తీసుకొచ్చిన ఇన్స్టాగ్రామ్ తమ వీడియో అప్లికేషన్స్ బూమరాంగ్, హైపర్ ల్యాప్స్ని గూగుల్ ప్లే స్టోర్, యాప్ స్టోర్స్ నుంచి డిలిట్ చేయనుందనే వార్తలు వినపడుతున్నాయి.
