స్మార్ట్ఫోన్, ఎలక్ట్రానిక్ గాడ్జెట్స్, వెబ్బ్రౌజింగ్ యాప్స్... ఏవైనా సరే కొత్త ఫీచర్లు ఉండాల్సిందే. యూజర్ల ఇంట్రెస్ట్, కంఫర్ట్ని దృష్టిలో పెట్టుకుని ఆయా కంపెనీలు కొత్త ఫీచర్లు, అప్డేట్స్తో వస్తూ ఉంటాయి. జూమ్ వీడియో కాల్ యాప్, గూగుల్ వాయిస్, యాపిల్ ఐఫోన్లో కొత్తగా రానున్న ఫీచర్లివే.
జూమ్ కొత్త ఫీచర్లివే
వీడియో కాల్ కోసం జూమ్ యాప్ వాడుతుంటారు చాలామంది. తాజాగా జూమ్ యూజర్లకు కొత్త ఫీచర్ అందుబాటులోకి తీసుకొచ్చింది. ఈ కొత్త ఫీచర్లో ఆటోమేటిక్ ఫోకస్ మోడ్, వర్క్ప్లేస్ రిజర్వేషన్స్ సదుపాయం ఉండనుంది. అంతేకాదు వీడియో మెయిల్స్ పంపొచ్చు. క్లౌడ్ వీడియో కాల్ రికార్డింగ్ని షేర్ చేసుకోవచ్చు కూడా.
జూమ్ మీటింగ్స్
జూమ్ మీటింగ్స్ కండక్ట్ చేసేవాళ్లు ఇకపై ఫోకస్ మోడ్ ఎనబుల్ చేసి మీటింగ్ షెడ్యూల్ చేయొచ్చు. దాంతో మీటింగ్లో పార్టిసిపేట్ చేసేవాళ్లకి డిస్టర్బెన్స్ లేకుండా చూడొచ్చు. ప్రతి మీటింగ్ ఐడీకి ‘గ్యాలరీ వ్యూ’ కూడా ముందే సెట్ చేసుకోవచ్చు. దాంతో ప్రతిసారి కెమెరాని అడ్జస్ట్ చేయాల్సిన పని ఉండదు. ఇది పెయిడ్ ఫీచర్. ప్రస్తుతానికైతే ఈ ఫీచర్ ఐపాడ్లో మాత్రమే పనిచేస్తుంది. రిమోట్ ఏరియాలో, ఆన్సైట్ వర్క్స్పేస్లో యూజర్లకు సౌకర్యంగా ఉంటుంది. అమెజాన్ ఫైర్ టీవీ వాడేవాళ్లు లివింగ్ రూమ్ నుంచే జూమ్ యాప్ ఉపయోగించుకోవచ్చు. అందుకోసం1080 పిక్సెల్ వెబ్కెమెరా కావాల్సి ఉంటుంది.
జూమ్ ఛాట్
మిస్ అయిన వీడియో కాల్స్ ఛాట్లో కనిపి స్తాయి. దాంతో వెంటనే చెక్ చేసుకోవచ్చు. నోటి ఫికేషన్ మీద క్లిక్ చేస్తే నేరుగా జూమ్ మీటింగ్లో పార్టిసిపేట్ చేయొచ్చు. అంతేకాదు జూమ్ ఛాట్ వీడియోల్ని ఫోన్లో సేవ్ చేసుకునే వీలుంటుంది.
గూగుల్ వాయిస్లో కొత్త ఫీచర్
గూగుల్ వాయిస్ ద్వారా వెబ్ బ్రౌజర్ లేదా ఫోన్ నుంచి డొమెస్టిక్, ఇంటర్నేషనల్ కాల్స్ చేయొచ్చని తెలిసిందే. ఇప్పుడు గూగుల్ వాయిస్లో మరో ఫీచర్ యాడ్ అయింది. దీంతో ఇన్కమింగ్ కాల్స్కి కస్టమ్ రూల్స్ సెట్ చేసుకోవచ్చు. ఈ ఫీచర్ సాయంతో యూజర్లు కాల్స్ను స్పెసిఫిక్ కాంటాక్ట్స్ నుంచి లింక్డ్ ఫోన్ నెంబర్ లేదా వాయిస్ మెయిల్కి ఫార్వర్డ్ చేయొచ్చు. అంతేకాదు ముఖ్యమైన కాంటాక్ట్స్ నుంచి వచ్చే కాల్స్లో స్క్రీన్ కాల్ని ఎంచుకోవచ్చు. వాయిస్ మెయిల్ గ్రీటింగ్స్ పంపొచ్చు కూడా. కాంటాక్ట్స్లోని కొన్ని గ్రూపులకి ఈ రూల్స్ని అప్లై చేయొచ్చు.
ఇంగ్లీషు అర్థంకానివాళ్ల కోసం
స్టార్ట్ఫోన్లోని యాప్స్ చాలావరకు ఇంగ్లీషులోనే ఉంటాయి. దాంతో ఇంగ్లీషు అర్థంకానివాళ్లు వాటిని ఉపయోగించడంలో ఇబ్బంది పడుతుంటారు. అలాంటివాళ్లకోసం గూగుల్ త్వరలోనే కొత్త ఫీచర్ తీసుకు రానుంది. ఆండ్రాయిడ్ ఫోన్లోని అన్ని యాప్స్లోని కంటెంట్ని ట్రాన్స్లేట్ చేసే ఫీచర్ తెచ్చే ప్రయత్నంలో ఉంది గూగుల్. ఆండ్రాయిడ్ కొత్త వెర్షన్లో (ఆండ్రాయిడ్ 13 ఫోన్లలో) ఈ ఫీచర్ అందుబాటులోకి రానుంది. ‘పాన్లింగ్వువల్’గా పిలిచే ఈ ఫీచర్ గనుక వస్తే, ఇంగ్లీషు డీఫాల్ట్ లాంగ్వేజ్గా ఉన్నప్పటికీ, సిస్టమ్ సెట్టింగ్స్ చేయకుండానే లోకల్ లాంగ్వేజ్లో సోషల్మీడియా యాప్స్ని వాడుకోవచ్చు.
