చైనాలోని బీజింగ్లో భారీ వర్షాలు కురుస్తున్నాయి. వర్షాల ధాటికి 11 మంది మృతి చెందగా 27 మంది మరణించినట్లు స్థానిక మీడియా తెలిపింది. వర్షాల కారణంగా రైల్వే స్టేషన్లు, పాఠశాలలు మూసివేశారు. వరదల ధాటికి ఇళ్ల ముందు నిలిపిన కార్లు కొట్టుకుపోతున్నాయి. జులైలో వరదల కారణంగా 15 మంది చనిపోయారు. నార్త్ ఈస్ట్ ప్రావిన్స్ లోని లియోనింగ్ ప్రాంతంలో 5,590 మందిని సురక్షిత ప్రాంతాలకు తరలించారు. 1998లో వచ్చిన వరదల్లో యంగ్టే నదికి వరద ఉధృతి పెరగడంతో మొత్తం 4,150 మంది మరణించారు. 2021లో వచ్చిన వరదల్లో 300 మంది మరణించారు.
తుపాన్ విధ్వంసంలో చిక్కుకుపోయిన రైలు ప్రయాణికులకు సామాగ్రిని అందించడానికి సైనిక హెలికాప్టర్లను మోహరించాయి. తుపాన్ శుక్రవారం ( జులై 28) నుంచి చైనాపైకి దూసుకువచ్చింది. సోమవారం ( జులై 31) కురిసిన భారీ వర్షాలు బీజింగ్ నగరం, దాని పరిసర ప్రాంతాలను ముంచెత్తాయి. 26 మంది సైనికులు, నాలుగు హెలికాప్టర్లతో కూడిన మిలిటరీ యూనిట్ మంగళవారం ( ఆగస్టు1) తెల్లవారుజామున బీజింగ్లోని మెంటౌగౌ జిల్లాలో రైలు స్టేషన్లో, చుట్టుపక్కల చిక్కుకుపోయిన ప్రజలకు ఆహార ప్యాకెట్లను అందజేశారు. బీజింగ్లోని ఫాంగ్షాన్, మెంటౌగౌతో సహా ప్రాంతాలు వరదనీటి కారణంగా తీవ్ర నష్టాన్ని చవిచూశాయి.
మూడు రైళ్లు వరదల్లో చిక్కుకున్నాయి. బీజింగ్లోని నైరుతి ఫాంగ్షాన్ పరిసరాల్లో వరద నీటిలో సగం మునిగిపోయిన బస్సులు కనిపించాయి. సోమవారం ( జులై31) హై-స్పీడ్ రైలు రైళ్లు 30 గంటల పాటు ట్రాక్లపై చిక్కుకున్నాయి. ఆకస్మిక వరదల వల్ల కొండచరియలు విరిగిపడే ప్రమాదం పొంచి ఉండటంతో వాతావరణశాఖ అధికారులు రెడ్ అలర్ట్ ప్రకటించారు