న్యూఢిల్లీ: రియల్టీ కంపెనీ ఏఎస్బీఎల్ హైదరాబాద్ఆర్టీసీ క్రాస్రోడ్లో లెగసీ పేరుతో మొదలుపెట్టిన లగ్జరీ రెసిడెన్షియల్ ప్రాజెక్టుకు భారీ స్పందన వచ్చినట్టు ప్రకటించింది. తొలిరోజే రూ.800 కోట్ల విలువైన ఇళ్ల విక్రయాలను సాధించినట్లు తెలిపింది. నిర్మాణం పూర్తయ్యే వరకు ఈఎంఐ చెల్లింపులు అవసరం లేని ప్రత్యేక ఆఫర్ను కూడా అందిస్తోంది.
నిర్మాణ కాలంలో లోన్పై వడ్డీని సంస్థే భరిస్తుంది. సుమారు 7.97 ఎకరాల్లో జీ+50 అంతస్తులతో 3 టవర్లు నిర్మించనున్నారు. ఇందులో 1,970 నుంచి 3,015 చదరపు అడుగుల విస్తీర్ణంలో 3, 4 బీహెచ్కే ఫ్లాట్లు ఉంటాయి. ధరలు రూ.1.99 కోట్ల నుంచి ప్రారంభమవుతున్నాయి. 73.25శాతం ఓపెన్ స్పేస్, 74,000 చదరపు అడుగుల క్లబ్హౌస్, 50కి పైగా సదుపాయాలు ప్రాజెక్ట్లో ఉన్నాయి.
