భాగ్యశ్రీ బోర్సేతో ప్రేమాయణం నిజమేనా? పెళ్లి రూమర్లపై క్లారిటీ ఇచ్చిన ఎనర్జిటిక్ స్టార్!

టాలీవుడ్ ఎనర్జిటిక్ స్టార్ రామ్ పోతినేని గురించి ప్రత్యేకంగా పరిచయం అక్కర్లేదు. వెండితెరపై తన నటనతో, డ్యాన్స్‌తో దుమ్ములేపే ఈ యంగ్ హీరో..  వ్యక్తిగత జీవితం విషయానికి వస్తే మాత్రం చాలా సైలెంట్‌గా ఉంటారు. లేటెస్ట్ గా ఆయన చేసిన కొన్ని వ్యాఖ్యలు ఇప్పుడు సోషల్ మీడియాలో హాట్ టాపిక్‌గా మారాయి. టాలీవుడ్‌లో ఉన్న మోస్ట్ ఎలిజిబుల్ బ్యాచిలర్లలో ఒకరైన రామ్, తన 'సింగిల్ స్టేటస్' గురించి మనసు విప్పి మాట్లాడారు.

ఏకాంతమే నా బలం

లేటెస్ట్ గా రామ్ ఒక ఇంటర్వ్యూలో తన పెళ్లి, ప్రేమ వార్తలపై స్పందిస్తూ ఆసక్తికర వ్యాఖ్యలు చేశారు. చిన్నప్పటి నుంచి నాకు ఒంటరిగా ఉండటమే అలవాటు. అది నాకు ఇష్టం కూడా. నా కోసం నేను సమయాన్ని కేటాయించుకోవడంలో నాకు సంతృప్తి ఉంటుంది. ఆ ఏకాంతం నాకు మానసిక ప్రశాంతతను ఇస్తుంది అని తెలిపారు. అంతేకాకుండా, ఇది తాను కావాలని తీసుకున్న నిర్ణయం కాదని, అది తన నైజమని స్పష్టం చేశారు. ఒకవేళ తన జీవితంలోకి ఎవరైనా వస్తే వారితో సమయం గడపడానికి సిద్ధమేనని, కానీ ఎవరూ లేకపోయినా ఒంటరిగా మరింత సంతోషంగా ఉండగలనని చెప్పారు.

లాక్‌డౌన్ అనుభవాలతో..

సినీ పరిశ్రమ అంటేనే ఎప్పుడూ వందలాది మందితో కలకలలాడుతూ ఉంటుంది. అయితే, అంతమంది మధ్య కూడా తనకంటూ ఒక చిన్న ప్రపంచాన్ని నిర్మించుకున్నానని రామ్ పేర్కొన్నారు. ముఖ్యంగా కరోనా లాక్‌డౌన్ సమయంలో దాదాపు ఏడాదిన్నర పాటు ఎవరితోనూ కలవకుండా ఒంటరిగా గడిపానని, ఆ సమయం తనను తాను అర్థం చేసుకోవడానికి బాగా ఉపయోగపడిందని వెల్లడించారు.

►ALSO READ | Ram Charan: పిల్లల పెంపకంలో చరణ్ స్టైల్ ఇదే.. “రఫ్ డాడ్”గా ఓపెన్ అయిన స్టార్

రూమర్లకు చెక్!

ఇటీవల రామ్ తన సహనటి భాగ్యశ్రీ బోర్సేతో ప్రేమలో ఉన్నారంటూ ఫిలిం నగర్‌లో వార్తలు గుప్పుమన్నాయి. 'ఆంధ్రాకింగ్ తాలుకా'  ప్రమోషన్లలో వీరిద్దరి మధ్య ఉన్న కెమిస్ట్రీ చూసి అభిమానులు కూడా పెళ్లి బాజాలు మోగడం ఖాయమని భావించారు. కానీ, రామ్ తాజా వ్యాఖ్యలతో ఆ రూమర్లకు పరోక్షంగా చెక్ పెట్టారు. ప్రస్తుతం తన ఫోకస్ అంతా సినిమాలపైనే ఉందని ఆయన స్పష్టం చేశారు.

నెక్స్ట్ టార్గెట్

సినిమాల విషయానికి వస్తే.. 'డబుల్ ఇస్మార్ట్' తర్వాత రామ్ చాలా ఆచితూచి అడుగులు వేస్తున్నారు.లేటెస్ట్ సమాచారం ప్రకారం.. లోకేష్ కనకరాజ్ శిష్యుడైన ఒక యువ దర్శకుడితో రామ్ చేతులు కలపబోతున్నారని టాక్ వినిపిస్తోంది. ఇదొక హై-వోల్టేజ్ యాక్షన్ ఎంటర్టైనర్ అని తెలుస్తోంది. జయాపజయాలతో సంబంధం లేకుండా మాస్ ప్రేక్షకులను మెప్పించే కథలతో రామ్ ముందుకు సాగుతున్నారు. మొత్తానికి రామ్ పోతినేని తన సింగిల్ లైఫ్‌ను ఎంజాయ్ చేస్తూనే, వెండితెరపై మళ్ళీ తన ఎనర్జీని చూపించడానికి సిద్ధమవుతున్నారు. అభిమానులు కూడా నీ ఏకాంతం నీకు ప్రశాంతతనిస్తే.. నీ సినిమాలు మాకు ఉత్సాహాన్నిస్తాయి అంటూ రామ్‌కు మద్దతు తెలుపుతున్నారు.