గండీడ్, వెలుగు: కాంగ్రెస్ ను నమ్మి ఓటేస్తే జిల్లాలో కరువు తప్పదని ఎమ్మెల్యే కొప్పుల మహేశ్ రెడ్డి అన్నారు. మహమ్మదాబాద్ మండలంలోని దేశాయపల్లి గేట్ బీఆర్ఎస్ కార్యకర్తల సమావేశం బుధవారం ఏర్పాటు చేశారు. కార్యకర్తలు బైక్ ర్యాలీతో ఎమ్మెల్యేకు స్వాగతం పలికారు. సభలో ఎమ్మెల్యే మాట్లాడారు.
గతంలో ఎన్నడూ లేని పథకాలు బీఆర్ఎస్ హాయంలో అందాయన్నారు. అలాగే ఉమ్మడి గండీడ్ మండలం నుంచి 800 మంది కాంగ్రెస్ , బీజేపీ నాయకులు బీఆర్ఎస్ లో చేరారు. కార్యక్రమంలో బీఆర్ఎస్ రాష్ట్ర నాయకులు అనిల్ రెడ్డి, జడ్పీటీసీ శ్రీనివాస్ రెడ్డి, వైస్ ఎంపీపీ ఈశ్వరయ్య గౌడ్, పీఏసీఎస్ వైస్ చైర్మన్ లక్ష్మీనారాయణ పాల్గొన్నారు.
