INX మీడియా కుంభకోణం కేసులో అరెస్టైన కేంద్ర ఆర్థిక, హోంశాఖ మాజీ మంత్రి, కాంగ్రెస్ అగ్రనాయకుడు పి.చిదంబరంను కొద్దిసేపటి కింద సీబీఐ కోర్టులో హాజరుపరిచారు అధికారులు. సీబీఐ అధికారులు బుధవారం రాత్రి చిదంబరం ఇంటికి వెళ్లి ఆయన్ను అరెస్ట్ చేశారు. ఈ ఉదయం ఫార్మాలిటీస్, వైద్య పరీక్షలు పూర్తిచేసి ఆయన్ను సీబీఐ కోర్టులో ప్రవేశపెట్టారు. చిదంబరం ఆర్థిక మంత్రిగా ఉన్నప్పుడు.. విదేశీ ప్రత్యక్ష పెట్టుబడుల విషయంలో.. నిబంధనలు, చట్టాన్ని స్వార్థం కోసం వాడుకున్నారని.. INX మీడియాకు నిధుల మళ్లింపు చేశారని సీబీఐ ఆరోపిస్తోంది. ఈ కేసులో మరిన్ని వివరాలు తెల్సుకునేందుకు చిదంబరాన్ని తమకు వారంరోజుల పాటు కస్టడీకి అప్పగించాలని సీబీఐ కోర్టును కోరనుంది.
చిదంబరం తరఫున లాయర్లు కపిల్ సిబల్, అభిషేక్ మను సింఘ్వీ… కుటుంబసభ్యులు కార్తీ చిదంబరం.. నళిని చిదంబరం కూడా సీబీఐ కోర్టుకు చేరుకున్నారు.
