ఏసీబీ వలలో ‘లక్ష్మీపూర్’ పంచాయతీ కార్యదర్శి.. వితంతు పింఛన్ కోసం రూ.10 వేలు లంచం

ఏసీబీ వలలో ‘లక్ష్మీపూర్’ పంచాయతీ కార్యదర్శి.. వితంతు పింఛన్ కోసం రూ.10 వేలు లంచం

తిమ్మాపూర్(మానకొండూర్​), వెలుగు : వితంతు పింఛన్​ కోసం లంచం తీసకుంటూ ఓ పంచాయతీ కార్యదర్శి ఏసీబీ అధికారులకు పట్టుబడ్డాడు. వివరాళ్లోకి వెళ్తే.. కరీంనగర్ జిల్లా మానకొండూర్​ మండలం లక్ష్మీపూర్ గ్రామ పంచాయతీ కార్యదర్శి చవన్ లాల్​వితంతు పింఛన్ మంజూరు చేసేందుకు ఓ బాధిత కుటుంబ నుంచి రూ.10వేలు లంచం డిమాండ్ చేశాడు. 

దీంతో బాధిత కుటుంబం ఏసీబీ అధికారులను ఆశ్రయించింది. శనివారం బాధితురాలి ఇంటికి వచ్చిన చవన్​లాల్​నగదు రూపంలో రూ.10 లంచం తీసుకుంటుండగా రెడ్ హ్యాండెడ్‌‌‌‌‌‌‌‌గా పట్టుకున్నట్లు కరీంనగర్​ ఏసీబీ అధికారి చెప్పారు. ఈ మేరకు నిందితుడిని అదుపులోకి తీసుకొని, కేసు నమోదు చేసినట్లు తెలిపారు.