తుంగతుర్తి, వెలుగు: అసెంబ్లీ ఎన్నికల్లో కాంగ్రెస్ తరఫున బరిలో ఉంటానని ఎస్సీ కార్పొరేషన్ చైర్మన్‌ మాజీ చైర్మన్‌ పిడమర్తి రవి తెలిపారు. మంగళవారం తుంగతుర్తి మండల కేంద్రంలో మీడియాతో మాట్లాడుతూ.. తాను తెలంగాణ ఉద్యమంలో పనిచేశానని, కాంగ్రెస్ రెండో జాబితాలో తన పేరు వస్తుందని ధీమా వ్యక్తం చేశారు.
నియోజకవర్గంలో కాంగ్రెస్ బలంగా ఉందని, బీఆర్‌‌‌‌ఎస్‌ అభ్యర్థితో కట్టలు, కత్తులతో కాకుండా ప్రశ్నకు సమాధానం ఇచ్చే వ్యక్తిగా పోటీ పడతానన్నారు. గతంలో పార్టీ స్వల్ప మెజార్టీతో ఓడిపోయిందని , ఈసారి భారీ మెజార్టీతో గెలుస్తుందని ఆశాభావం వ్యక్తం చేశారు.
