మహబూబ్ నగర్ లో రోడ్డు ప్రమాదం జరిగింది. సెప్టెంబర్ 1న అడ్డాకుల మండలం కాటవరం స్టేజ్ వద్ద NH 44 పై ఆగివున్న కంటైయినర్ ఓ ప్రైవేట్ ట్రావెల్ బస్సు ఢీ కొట్టింది. ఈ ప్రమాదంలో ముగ్గురు మృతి చెందగా మరో ముగ్గురికి గాయాలు అయ్యాయి.
బస్సు హైదరాబాద్ నుంచి పొద్దుటూరు వెళ్తుండగా ఈ ప్రమాదం జరిగింది. ఘటనా స్థలానికి వచ్చిన పోలీసులు... క్షతగాత్రులను మహబూబ్ నగర్ ఆసుపత్రికి తరలించారు. మృతులు అష్రస్ ఉన్నిసా, హసన్, ఎల్లమ్మ గా గుర్తించారు. మృతదేహాలను పోస్టుమార్టంకు తరలించారు. ప్రమాదం సమయంలో బస్సులో 31 మంది ఉన్నారు. ఈ ఘటనపై కేసు నమోదు చేసి దర్యాప్తు చేస్తున్నారు పోలీసులు
