సుకుమార్ డైరెక్షన్ లో స్టైలిష్ స్టార్ అల్లు అర్జున్ హీరోగా పుష్ప సినిమా తెరకెక్కుతున్న విషయం తెలిసిందే. బన్నీ సరసన రష్మిక హీరోయిన్ గా నటిస్తున్న ఈ మూవీ నుంచి శ్రీ వల్లీ అనే లిరికల్ సాంగ్ రిలీజైంది. చూపే బంగారమాయెనే శ్రీవల్లి.. మాటే మాణిక్యమాయెనే అనే సాంగ్ అందరినీ ఆకట్టకుంటుంది. పల్లెటూరి గెటప్స్ లో అల్లు అర్జున్, రష్మిక కనిపించారు. ఈ సాంగ్ ను సిద్ శ్రీరామ్ పాడగా, రాక్ స్టార్ దేవీశ్రీప్రసాద్ మ్యూజిక్ అందించాడు. ఇప్పటికే ఈ మూవీ నుంచి వచ్చిన అల్లు అర్జున్ పుష్ప రాజ్, రష్మికల శ్రీవల్లి లుక్స్ అందరినీ బాగా ఆకట్టుకున్నాయి. అలాగే దాక్కో దాక్కో మేక సాంగ్ సినిమాపై బాగానే అంచనాలను పెంచేసింది. ఈ క్రమంలో ఇప్పుడు చూపె బంగారమాయేనే శ్రీవల్లి.. అంటూ సాగే లిరికల్ సాగ్‌ తో సినిమాపై అంచనాలన మరింత పెంచాయంటున్నారు ఫ్యాన్స్. ఈ సినిమా రెండు భాగాలుగా విడుదల కానున్న సంగతి తెలిసిందే. మైత్రి మూవీ మేకర్స్, ముత్యంశెట్టి మీడియా సంయుక్తంగా ఈ సినిమాను నిర్మిస్తున్నాయి. మొదటి భాగం పుష్ప ది రైస్ డిసెంబర్ 17న 5 భాషలలో భారీ స్థాయిలో విడుదల చేయనున్నట్టు ఆల్రెడీ మేకర్స్ అఫీషియల్‌ గా తెలిపారు.
