ఉక్రెయిన్, రష్యా యుద్ధం క్రమంలో... అమెరికా, చైనాలు ఆరోపణలు చేసుకుంటున్నాయి. ఉక్రెయిన్ పై దాడులకు సైనిక సామగ్రి, ఆయుధాలు అందించాలని రష్యా చైనాను అభ్యర్థించినట్టు స్టోరీస్ రావడంపై మండిపడ్డారు అమెరికా జాతీయ భద్రతా సలహాదారుడు జాక్ సులివన్ . పలు దేశాలు విధించిన ఆంక్షలను బ్రేక్ చేసేలా రష్యాకు హెల్ప్ చేయవద్దని హెచ్చరించారు. ఉక్రెయిన్ పై రష్యా దాడుల గురించి అమెరికా, చైనా ప్రతినిధులు రోమ్ లో భేటీ అయ్యారు. అమెరికా తరఫున సులివన్ , చైనా తరఫున ఆ దేశ విదేశాంగ విధాన సలహాదారుడు యాంగ్ జీచీ హాజరయ్యారు. సులివన్ హెచ్చరికలపై చైనా స్పందించింది. తమ నుంచి రష్యా సాయం కోరలేదని వాషింగ్టన్ లోని చైనా రాయబార కార్యాలయ అధికార ప్రతినిధి లీ పెంగ్యూ తెలిపారు.
